نكت حلوة

واحده بتقول لجوزها يارتنى كنت عصفورة قالها يارتنى كنت بندقية


ظابط بيقول لعسكرى شوفلنا جايبين إيه فى السهرة يابنى فتح العسكرى الجرنال وقاله القناه الأولى إخترنا لك قاله بتقول إيه ياعسكرى قاله إخترنا لسيادتك


واحد جزار قاعد هو ومراته قاعدة أنس وفرفشه وبعدين وهما قاعدين قالها إيه ده ياولية مبتحطيش أحمر ليه قالتله مفيش أحمر أحطلك دهن


واحد أحول راح الجيش دخلوه وحدة الضرب العشوائى


الكسل ده حاجة فظيعة أوى على فكرة راجل وابنوا قاعدين هما الإتنين الباب خبط الراجل قال لإبنه قوم إفتح الباب لأمك قاله ماتفتحوا إنت ماهى مراتك قاله يابنى أمك قاله ماهى مراتك قاله طب هيا طالق قوم إفتحلها بقى


واحد بلديتنا عصبى جدا ومش طايق نفسه جاب حتت قماشة وعايز يخيطها قميص راح للترزى وقاله بص ياعم إنت أنا عايز أخيط القماشة ده قميص... بص ..بس مايكونش بكم وكمان اللياقة مش عايزها تخنقنى والقميص يكون واسع علشان ماتخنقش طب بص ياعم... أنا مش هخيط القماشة ده


واحد حب يعرف ولاده التلاته معنى الإتحاد وإن الإتحاد قوة جابهم التلاته وقعدهم كده قدامه وجاب الكبير بتاعهم وجاب عود حطب وقاله إكسره فكسره جابله عودين وقاله إكسرهم كسرهم جابله مجموعة كبيره جدا قاله إكسرهم كسرهم بص لولاده وقالهم طول مانتوا معاكوا البغل ده مفيش خوف عليكم أبدا


إتنين مساطيل ماشيين فى الشارع وهما ماشيين لقوا جثه مارميه على الأرض بصوا كده عليها واحد منهم قال للتانى الله مش ده فرج ده ميت التانى قاله أه قاله طب هنسيبه كده قاله لا راح قال لصاحبه التانى تعرف بيته قاله أه قاله طب شيل يلا ونوديه ونكسب ثواب هوبا شالوه ووصلوا للبيت طلعوا دور التانى التالت الرابع دخلوا الشقة رموه وخرجوا نزلوا تحت لقوا جثة قاله الله مش ده فرج قاله أه قاله ده ميت قاله طب هنسيبه كده قاله لا نشيله ونوديه بيته هوبا شالوه وطلعوا بيه الدور الأول التانى التالت الرابع دخلوا الشقة وراموه ونزلوا نزلوا تحت لقوا جثة قالوا مش ده فرج قاله أه قاله ألله ده ميت قاله طب شيل معايا المهم قاله لأ ياعم أنا تعبت ندهوا البواب وطلعوه الشقة دخلوا الشقة وسألوا البواب مش ده أوضة النوم قالهم لا ده البلكونه


واحد قال لمراته العشى النهارده بره راح رجع لقى السفرة فى الشارع


منقول